سندھ رینجرز و پولیس کا گھوٹکی میں آپریشن، 9 ڈاکو ہلاک، 27 زخمی

سندھ رینجرز اور پولیس نے اندرون سندھ کے ضلع گھوٹکی میں مشترکہ آپریشن کرتے ہوئے 9 ڈاکو ہلاک اور 27 زخمی کر دیے۔ آپریشن کراس بند خان گڑھ چوک میں اندھڑ، لاٹھانی، بکھرانی، شیخانی اور مزاری گینگز کے خلاف کیا گیا۔

ترجمان کے مطابق ہلاک شدگان میں بدنام زمانہ ڈاکو عبداللہ دشتی، ہزارہ عرف لالا شیخانی، آذان عرف چھلو اور دیگر شامل تھے۔ پولیس کے مطابق مسلح ڈاکوؤں نے سادق آباد سے کوئٹہ جانے والی مسافر بس سے ضلع گھوٹکی اوباڑو کے قریب 18 مسافروں کو اغوا کیا تھا۔

ہلاک شدگان ہزارہ عرف لالا شیخانی اور آذان عرف چھلو پر پنجاب پولیس نے 50،50 لاکھ روپے انعام بھی مقرر کیا ہوا تھا۔