پیٹ ہیگسیتھ کو دفاع پر اے پلس پلس پلس گریڈ دیتا ہوں، صدر ٹرمپ

امریکی صدر ڈونلڈ ٹرمپ نے اپنے وزیرِ دفاع (وزیرِ جنگ) پیٹ ہیگسیتھ کے دفاعی موقف اور پریس کانفرنس پر مکمل اطمینان کا اظہار کرتے ہوئے ان کی کارکردگی کو ‘اے پلس پلس پلس’ (A+++) گریڈ دیا ہے۔ ٹرمپ نے کہا کہ پیٹ ہیگسیتھ نے سابق کانگریس مین تھامس میسی کے عائد کردہ الزامات کا انتہائی موثر اور بھرپور جواب دیا ہے۔ امریکی صدر نے تھامس میسی کو شدید تنقید کا نشانہ بناتے ہوئے انہیں ایک “ناراض، مایوس، شکست خوردہ اور ناکام شخص” قرار دیا۔ واضح رہے کہ پیٹ ہیگسیتھ نے حال ہی میں ایک اہم پریس کانفرنس کے دوران اپنے خلاف مواخذے کی تحریک کو سیاسی انتقام قرار دیتے ہوئے ایران کے خلاف امریکی فوجی اقدامات کا مکمل دفاع کیا تھا، جس پر صدر ٹرمپ نے ان کی حمایت کا اعلان کیا ہے۔