اسرائیل امریکا کو ایران کیساتھ طویل جنگ میں شامل کرنے کی کوشش کر رہا: باقر قالیباف

ایران کی پارلیمان کے سپیکر محمد باقر قالیباف نے متنبہ کیا ہے کہ اسرائیل امریکہ کو ایران کے ساتھ ایک طویل اور پیچیدہ جنگ میں شامل کرنے کی کوشش کر رہا ہے، جس کے نتیجے میں آئندہ امریکی انتظامیہ کے لیے شدید مشکلات پیدا ہو سکتی ہیں۔ سوشل میڈیا پلیٹ فارم ‘ایکس’ پر جاری اپنے ایک بیان میں باقر قالیباف نے کہا کہ اگر واشنگٹن نے اپنی موجودہ پالیسیوں پر نظرثانی نہ کی تو امریکہ اور اس کے اتحادیوں کو سنگین نتائج کا سامنا کرنا پڑے گا۔ ایرانی پارلیمانی سپیکر کا یہ بیان ایک ایسے وقت میں سامنے آیا ہے جب ایران اور اسرائیل کے درمیان علاقائی کشیدگی بدستور انتہائی حساس اور بحرانی موڑ پر موجود ہے۔