لاہور ایئرپورٹ سے ریاض، ابوظہبی اور استنبول جانے والی 3 پروازیں منسوخ

لاہور کے علامہ اقبال انٹرنیشنل ایئرپورٹ پر سیکیورٹی خدشات اور تکنیکی خرابیوں کی بنا پر مختلف ایئرلائنز کی 3 بین الاقوامی پروازیں منسوخ کر دی گئی ہیں۔ ایئرپورٹ ذرائع کے مطابق لاہور سے ریاض جانے والی نجی ایئرلائن کی پرواز ‘ایکس وائے 318’ کو سیکیورٹی وجوہات کی بنا پر منسوخ کیا گیا، جبکہ ابوظہبی جانے والی پرواز ‘پی ایف 796’ اور استنبول جانے والی پرواز ‘ٹی کے 745’ کو جہازوں میں پیدا ہونے والی تکنیکی خرابی کے باعث منسوخ کرنا پڑا۔ پروازوں کی اچانک منسوخی کے باعث مسافروں کو ایئرپورٹ پر پریشانی کا سامنا کرنا پڑا، تاہم انتظامیہ کی جانب سے متبادل انتظامات کی ترغیب دی جا رہی ہے۔