ٹرمپ کا سیاسی انتقام لینے اور دھمکیاں دینے پر ڈیموکریٹس کے خلاف تحقیقات کا حکم

امریکی صدر ڈونلڈ ٹرمپ نے ڈیموکریٹس پر اپنے سیاسی مخالفین کے خلاف قانون کا غلط استعمال کرنے، ری پبلکن رہنماؤں اور ان کے حامیوں کو جیل بھیجنے کی دھمکیاں دینے اور سیاسی انتقام کا نشانہ بنانے کا شدید الزام عائد کیا ہے۔ صدر ٹرمپ نے ڈیموکریٹس کے اس طرزِ عمل کو اعلیٰ سطح کی بھتہ خوری قرار دیتے ہوئے محکمہ انصاف (DOJ) کو ان کے مبینہ مجرمانہ اقدامات کی فوری تحقیقات کا حکم دینے کا اعلان کیا ہے۔ اپنے بیان میں ٹرمپ نے اٹارنی جنرل اور دیگر عہدیداروں کے خلاف ڈیموکریٹس کی جانب سے مواخذے کی دھمکیوں کو بلاجواز قرار دیا اور سینیٹر ایلیسا سلاٹکن کا حوالہ دیتے ہوئے کہا کہ ری پبلکن ڈونرز اور نوجوانوں کو محض سیاسی وابستگی کی بنیاد پر نشانہ بنایا جا رہا ہے۔ انہوں نے مؤقف اختیار کیا کہ بے گناہ افراد کو دھمکی آمیز خطوط بھیجنے والوں کو اپنے اقدامات پر خود جوابدہ ہونا چاہیے اور سزائیں انہی افراد کو ملنی چاہیئں جو دوسروں کو غیر قانونی دھمکیاں دے رہے ہیں