تنازع فلسطین کے دو ریاستی حل پر جلد عمل درآمد ضروری ہے: دفتر خارجہ

ترجمان دفترِ خارجہ سجاد حیدر خان نے استنبول میں منعقدہ ‘آر فور’ (R4) ممالک کے وزرائے خارجہ اجلاس کی تفصیلا ت بتاتے ہوئے کہا ہے کہ پاکستان خطے میں پائیدار امن و استحکام کا خواہاں ہے اور تنازعِ فلسطین کے دو ریاستی حل پر فوری عمل درآمد ناگزیر ہے۔ بریفنگ میں انہوں نے 4 جون 1967 کی سرحدوں کے مطابق آزاد فلسطینی ریاست، جس کا دارالحکومت مشرقی یروشلم ہو، کی حمایت کا اعادہ کیا اور غزہ میں فوری تشدد کے خاتمے و بلا رکاوٹ انسانی امداد کی فراہمی کا مطالبہ کیا۔ ترجمان نے بحیرہ احمر اور سعودی عرب پر حوثی حملوں کی شدید مذمت کرتے ہوئے حرمین شریفین کے تحفظ اور سعودی عرب کے ساتھ غیر متزلزل یکجہتی کے عزم کا بھی اظہار کیا۔ علاوہ ازیں، پاکستان نے آبنائے ہرمز میں محفوظ جہاز رانی کی بحالی اور اردن میں ہونے والے دہشت گردانہ واقعات پر بھی تشویش اور تعزیت کا اظہار کیا۔