اسلام آباد ایئرپورٹ کے ٹرمینل میں بندر گھس آیا: مسافروں میں حیرت

اسلام آباد انٹرنیشنل ایئرپورٹ کے ٹرمینل لاؤنج میں اچانک ایک بندر کے داخل ہو جانے سے مسافروں اور ایئرپورٹ عملے میں حیرت پھیل گئی، جبکہ کئی مسافروں نے اس انوکھے منظر کی ویڈیوز بنا لیں۔ بندر ایئرپورٹ کی چھت اور لاؤنج کی سیلنگ پر گھومتا اور مٹرگشت کرتا رہا،اس پر ایوی ایشن انتظامیہ نے فوری طور پر وائلڈ لائف کے حکام کو طلب کر لیا۔ وائلڈ لائف کی ٹیم کی تمام تر کوششوں کے باوجود بندر ایک جگہ سے دوسری جگہ چھلانگیں لگاتا رہا اور آخر کار پکڑ میں آئے بغیر خود ہی ایئرپورٹ سے نکل کر قریب واقع جنگل کی طرف واپس چلا گیا۔