بانی پی ٹی آئی سے ملاقات کا وقت ختم، کسی پارٹی رہنما کو اجازت نہ ملی

راولپنڈی کی اڈیالہ جیل میں بانی پاکستان تحریکِ انصاف (PTI) سے ملاقات کے لیے مقرر کردہ وقت ختم ہو گیا ہے، تاہم پولیس اور جیل انتظامیہ کی جانب سے کسی بھی پارٹی رہنما کو ملاقات کی اجازت نہیں دی گئی۔

ذرائع کے مطابق ملاقات کا مقررہ وقت ختم ہونے پر اڈیالہ جیل پہنچنے والے پی ٹی آئی کے تمام رہنما ڈاہگل ناکے سے بغیر ملاقات کے واپس روانہ ہو گئے۔ ملاقات کے لیے اڈیالہ جیل پہنچنے والوں میں نادیہ خٹک، اجمیری خان، رضوان مجید بٹ اور علی عبداللہ نیازی شامل تھے جو ڈاہگل ناکے پر منتظر رہے۔

دوسری جانب، جیل انتظامیہ کو فراہم کی گئی بانی پی ٹی آئی سے ملاقات کے لیے منظوری دہندگان کی فہرست میں شامل مبشر عباسی اڈیالہ جیل نہیں پہنچے۔ بانی پی ٹی آئی سے ملاقات کی اجازت نہ ملنے پر ڈاہگل ناکے پر موجود رہنماؤں نے شدید مائیوسی کا اظہار کیا۔