وفاقی آئینی عدالت: جے یو آئی کی مخصوص نشست سے متعلق اپیل خارج

وفاقی آئینی عدالت نے جمعیت علمائے اسلام (جے یو آئی) کی مخصوص نشست کے تنازع سے متعلق اپیل مسترد کرتے ہوئے الیکشن کمیشن کا فیصلہ برقرار رکھ دیا ہے۔ چیف جسٹس امین الدین خان اور جسٹس عامر فاروق پر مشتمل دو رکنی بینچ نے سماعت کے بعد اپیل کو خارج کیا۔ سماعت کے دوران جے یو آئی کے وکیل نے مؤقف اختیار کیا تھا کہ صدف احسان ان کی پارٹی کی امیدوار نہیں ہیں اور جماعت کی جانب سے جمع کرائی گئی 4 ناموں کی فہرست میں تبدیلی یا غلطی کی تصحیح کے لیے پارٹی سے رجوع کیا جانا چاہیے تھا۔ تاہم، اعلیٰ آئینی عدالت نے وکیل کے دلائل کو غیر مؤثر قرار دیتے ہوئے الیکشن کمیشن کے فیصلے کے حق میں فیصلہ سنایا۔