ڈیموکریٹک رہنما حکیم جیفریز نے ایوان نمائندگان کا سپیکر بننے کا اعلان کر دیا
Web Desk
5 November 2026
امریکی وسط مدتی انتخابات میں ڈیموکریٹک پارٹی کی کامیابی کے بعد ایوانِ نمائندگان (House of Representatives) کے ڈیموکریٹک رہنما حکیم جیفریز (Hakeem Jeffries) نے باضابطہ طور پر ایوان کا اگلا سپیکر بننے کے لیے اپنے انتخاب کا اعلان کر دیا ہے۔
امریکی میڈیا کے مطابق ڈیموکریٹک اراکینِ کانگریس کو لکھے گئے ایک خط میں حکیم جیفریز نے واضح کیا کہ ایوان کا کنٹرول سنبھالنے کے بعد ابتدائی 100 دنوں میں ان کی جماعت ٹرمپ انتظامیہ کے کئی متنازع فیصلوں اور پالیسیوں کو واپس لینے کے لیے جامع اقدامات کرے گی۔ ڈیموکریٹس کی ترجیحات میں ٹرمپ انتظامیہ کی جانب سے عائد کردہ سخت درآمدی محصولات (Tariffs) کا خاتمہ، صحت عامہ کی سہولتوں اور غذائی امدادی پروگراموں کے لیے اربوں ڈالر کے فنڈز کی بحالی اور میڈیکیڈ (Medicaid) پروگرام میں مزید کٹوتیاں روکنے کی قانون سازی شامل ہے، تاکہ مہنگائی اور عوام پر بڑھتے ہوئے معاشی بوجھ کو کم کیا جا سکے۔
حکیم جیفریز نے موقف اختیار کیا کہ اپوزیشن میں رہتے ہوئے بھی ڈیموکریٹس نے ٹرمپ انتظامیہ کی پالیسیوں پر مؤثر دباؤ قائم رکھا، اور اب ایوان میں اکثریت ملنے کے بعد عوامی توقعات کے مطابق تبدیلی لانا ان کی بنیادی ذمہ داری ہے۔ واضح رہے کہ رواں ماہ حکیم جیفریز کو ڈیموکریٹک پارٹی کے اندر قیادت کے لیے خفیہ ووٹنگ کے عمل سے گزرنا ہوگا، جبکہ سپیکر کے انتخاب کے لیے ایوانِ نمائندگان میں حتمی ووٹنگ جنوری 2027ء میں منعقد ہوگی۔ اگر وہ اس منصب پر منتخب ہو جاتے ہیں تو وہ امریکی تاریخ کے پہلے سیاہ فام ایوانِ نمائندگان کے سپیکر بن جائیں گے۔
متعلقہ عنوانات
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026
استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت
22 November 2026
پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا
22 November 2026
پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس
22 November 2026
نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال
22 November 2026