’’ٹرمپ اب بھی آپ کے صدر ہیں‘‘ ڈیموکریٹس کی کامیابی کے بعد وائٹ ہاؤس کا دلچسپ پیغام

امریکی وسط مدتی انتخابات میں ڈیموکریٹک پارٹی کی نمایاں کامیابی اور کانگریس کے دونوں ایوانوں میں اکثریت حاصل کرنے کے بعد وائٹ ہاؤس نے صدر ڈونلڈ ٹرمپ کی آئینی حیثیت سے متعلق ایک دلچسپ اور غیر معمولی پیغام جاری کیا ہے۔ برطانوی نشریاتی ادارے بی بی سی کے مطابق وائٹ ہاؤس کے سرکاری سوشل میڈیا اکاؤنٹ پر صدر ٹرمپ کی ایک تصویر کے ساتھ کیپشن تحریر کیا گیا کہ “عوامی اطلاع: ٹرمپ اب بھی آپ کے صدر ہیں۔” اس سے قبل صدر ٹرمپ نے نتائج پر ردعمل دیتے ہوئے ڈیموکریٹس کی کارکردگی کو تسلیم کیا، تاہم ان کا کہنا تھا کہ اگر وہ خود میدان میں ہوتے تو ریپبلکنز کی کارکردگی بہتر ہوتی۔ تجزیہ کاروں کے مطابق وائٹ ہاؤس کی یہ پوسٹ اپوزیشن کی فتح کے باوجود صدر کی باقی ماندہ آئینی مدت صدارت کو واضح کرنے کے لیے جاری کی گئی ہے۔