امریکی تاریخ میں نیا باب: ڈیب ہالینڈ نیو میکسیکو کی پہلی ریڈ انڈین خاتون گورنر منتخب

امریکا میں بائیڈن انتظامیہ کی سابق سیکریٹری داخلا ڈیب ہالینڈ نے نیو میکسیکو کے گورنر کا انتخاب جیت کر امریکی تاریخ کی پہلی ریڈ انڈین (نیٹو امریکن) خاتون گورنر بننے کا اعزاز حاصل کر لیا ہے۔ ڈیموکریٹک پارٹی سے تعلق رکھنے والی 65 سالہ ڈیب ہالینڈ نے اپنے ریپبلکن حریف اور ریو رینچو شہر کے طویل المدتی میئر گریگ ہل کو شکست دی۔ لاگونا پیوبلو قبیلے سے تعلق رکھنے والی ڈیب ہالینڈ اس سے قبل بائیڈن کابینہ میں پہلی مقامی امریکی رکن کے طور پر بھی تاریخ رقم کر چکی ہیں۔ نیو میکسیکو میں، جہاں مقامی آبادی کل نفوس کا 12 فیصد ہے، ان کی یہ شاندار فتح ملک بھر میں ریڈ انڈین ووٹرز کے بڑھتے ہوئے سیاسی اثر و رسوخ اور اہمیت کی عکاسی کرتی ہے۔