امریکی مڈٹرم انتخابات، خواتین ووٹرز کی اکثریت نے ڈیموکریٹس کی حمایت کی، اے پی سروے

امریکا کے وسط مدتی انتخابات میں خواتین ووٹرز کی بڑی تعداد نے ڈیموکریٹ امیدواروں کی حمایت کا اعلان کرتے ہوئے فیصلہ کن کردار ادا کیا ہے۔ ایسوسی ایٹڈ پریس (AP) کے نئے سروے کے مطابق پولنگ میں حصہ لینے والے کل ووٹرز میں خواتین کا تناسب 53 فیصد رہا جبکہ مرد ووٹرز کی شرح 46 فیصد ریکارڈ کی گئی۔ سروے کے نتائج سے ظاہر ہوتا ہے کہ 58 فیصد خواتین نے ڈیموکریٹ امیدواروں کے حق میں اپنا رائے دہی کا حق استعمال کیا جبکہ 40 فیصد نے ریپبلکن امیدواروں کا انتخاب کیا۔ دوسری جانب مرد ووٹرز کے ووٹ برابر کی سطح پر تقسیم نظر آئے، جہاں 49 فیصد مردوں نے ڈیموکریٹس اور اتنے ہی یعنی 49 فیصد نے ریپبلکنز کی حمایت کی۔