سعودی عرب میں شیڈول اے ایف سی ایشین فٹبال کپ ملتوی

ایشین فٹبال کنفیڈریشن (AFC) کا اہم ترین ٹورنامنٹ ایشین فٹبال کپ خطے کی غیر معمولی صورتحال کے باعث دسمبر 2027ء تک ملتوی کر دیا گیا ہے۔ یہ عالمی ایونٹ پہلے اگلے سال 7 جنوری سے 5 فروری تک سعودی عرب میں شیڈول تھا، تاہم آرگنائزنگ کمیٹی کے فیصلے کے مطابق اب یہ 23 دسمبر 2027ء سے 21 جنوری 2028ء تک منعقد ہوگا۔ منتظمین کے مطابق علاقائی کشیدگی اور موجودہ ملکی و سیاسی حالات کے پیشِ نظر کھلاڑیوں اور شائقین کی سلامتی کو یقینی بنانے کے لیے ایونٹ کی تاریخوں میں تبدیلی کا یہ بڑا فیصلہ کیا گیا ہے۔