ایتھوپیا سے سوڈان کے شہری مقامات اور اہم تنصیبات پر حملے، متعدد افراد جاں بحق

سوڈان نے ایتھوپیا پر اپنی سرزمین میں شہری مقامات اور اہم تنصیبات پر حملے کرنے کا باضابطہ الزام عائد کرتے ہوئے اقوامِ متحدہ کی سلامتی کونسل اور افریقی یونین میں شکایت درج کرا دی ہے۔ سوڈانی وزارتِ خارجہ کے مطابق ایتھوپیا کے ان حملوں کے نتیجے میں شہری جاں بحق ہوئے اور بنیادی سہولتوں کی فراہمی شدید متاثر ہوئی ہے۔ یہ سفارتی کشیدگی ایک ایسے وقت میں سامنے آئی ہے جب حال ہی میں ایتھوپیا کے امہارا ریجن میں واقع ‘المعروف ترک’ بے گھر افراد کے کیمپ پر یکے بعد دیگرے 5 ڈرون حملوں میں کم از کم 16 افراد جاں بحق اور 22 زخمی ہو گئے تھے، جس کے بعد دونوں ممالک کے سرحدی علاقوں میں صورتِ حال مزید کشیدہ ہو گئی ہے۔