بانی پی ٹی آئی کے سوشل میڈیا اکاؤنٹس ہم خود چلاتے ہیں، مذاکرات کے لیے ماحول موجود نہیں: شفیع جان

پشاور: معاون خصوصی اطلاعات خیبرپختونخوا شفیع جان کا کہنا ہے کہ بانی پی ٹی آئی عمران خان کے سوشل میڈیا اکاؤنٹس ہم مکمل طور پر خود آپریٹ کرتے ہیں۔

جیو نیوز کے پروگرام “نیا پاکستان” میں گفتگو کرتے ہوئے شفیع جان نے کہا کہ بانی پی ٹی آئی کے اہلِ خانہ کو آج عدالت میں جانے کی اجازت نہیں دی گئی، جو ایک سنجیدہ معاملہ ہے۔

انہوں نے کہا کہ ہم سیاسی مذاکرات پر یقین رکھتے ہیں، تاہم موجودہ حالات میں بات چیت ممکن نہیں۔ شفیع جان کے مطابق،
“ہم ان کے ساتھ اس ماحول میں کوئی بات نہیں کرنا چاہتے، یہ واضح نہیں کہ ہم کس بات پر معافی مانگیں۔”

معاون خصوصی اطلاعات کا کہنا تھا کہ جو جماعتیں حکومت کا حصہ ہیں، وہ اس معاملے میں فریق ہیں، اس لیے اگر کانفرنس بلائی جاتی ہے تو حکومتی جماعتوں کو مدعو نہیں کیا جانا چاہیے۔

شفیع جان نے مزید کہا کہ عطا تارڑ کا مینڈیٹ کیا ہے کہ ہم ان سے بات کریں؟ وہ صرف 17 نشستوں پر آئے ہیں۔