سینیٹ میں محسن نقوی، کامران مرتضیٰ اور عابد شیر علی کے درمیان تلخ کلامی

سینیٹ اجلاس کے دوران وفاقی وزیر داخلہ محسن نقوی کے بیان پر جے یو آئی (ف) کے سینیٹر کامران مرتضیٰ کے احتجاج سے ایوان میدانِ جنگ بن گیا اور سخت تلخ کلامی ہوئی۔ محسن نقوی کے “ریاست پر تنقید” سے متعلق الفاظ پر کامران مرتضیٰ نے شدید ردِعمل دیتے ہوئے انہیں “زبان سنبھال کر بات کرنے” کا کہا، جس پر وزیر داخلہ نے جواب دیا کہ تنقید کرنے والے اب جواب سننے کا حوصلہ بھی رکھیں۔ اسی دوران مسلم لیگ (ن) کے سینیٹر عابد شیر علی اور سینیٹر کامران مرتضیٰ کے درمیان بھی نازیبا الفاظ اور شدید بدکلامی کا تبادلہ ہوا، جس پر وزیرِ مملکت طلال چوہدری نے بیچ بچاؤ کرا کے عابد شیر علی کو اپنی نشست پر بٹھایا۔ وزیر داخلہ نے واضح کیا کہ سیاسی اختلاف اور ریاستی اداروں پر حملوں میں فرق ہونا چاہیے اور ایوان میں دوہرے معیار نہیں چل سکتے۔

میٹا ڈسکرپشن (Meta De