مجتبیٰ خامنہ ای نے جنگ کے دوران معاشی استحکام اور قومی اتحاد کو اہم قرار دے دیا

ایران کے سپریم لیڈر سید مجتبیٰ خامنہ ای نے امریکا اور اسرائیل کے ساتھ جاری جنگ کے دوران معاشی استحکام، عوامی فلاح و بہبود، قومی اتحاد، پائیدار سیکیورٹی اور ملکی مفادات کے تحفظ کو اپنی اولین ترجیحات قرار دیا ہے۔ ایرانی خبر رساں ادارے ’ارنا‘ (IRNA) کے مطابق سپریم لیڈر نے صدر مسعود پزشکیان، اسپیکر پارلیمنٹ محمد باقر قالیباف، چیف جسٹس غلام حسین محسنی اژه ای اور سپریم نیشنل سیکیورٹی کونسل کے سیکریٹری میجر جنرل محسن رضائی سے الگ الگ اہم ملاقاتیں کیں۔ صدر پزشکیان سے گفتگو کے دوران معاشی صورتحال، زرمبادلہ کے ذخائر اور توانائی کے مسائل پر تبادلہ خیال کیا گیا، جس میں صدر نے سردیوں کے دوران گیس و بجلی کے بحران سے بچنے کے لیے ہنگامی اصلاحات پر زور دیا۔ ایرانی قیادت کے اس تحرک کو موجودہ جنگی اور معاشی چیلنجز کے مقابلے میں قومی صف بندی کے طور پر دیکھا جا رہا ہے۔