پیپلز پارٹی کا 27 دسمبر کو گڑھی خدابخش برسی پر بڑے جلسے کا فیصلہ
Web Desk
20 December 2025
شکارپور میں پیپلز پارٹی لاڑکانہ ڈویژن کے اجلاس میں شہید محترمہ بینظیر بھٹو کی 18ویں برسی کے موقع پر 27 دسمبر کو گڑھی خدابخش بھٹو میں بڑے جلسے کے انعقاد کا فیصلہ کیا گیا۔ اجلاس کی صدارت پیپلز پارٹی سندھ کے صدر نثار کھوڑو نے امتیاز شیخ کی رہائشگاہ پر کی، جہاں جلسے کے انتظامات اور تیاریوں کو حتمی شکل دے دی گئی۔
اجلاس میں فیصلہ کیا گیا کہ گڑھی خدابخش بھٹو میں ہونے والے جلسے کو بھرپور پاور شو بنایا جائے گا اور عوام کی بڑی تعداد میں شرکت کو یقینی بنایا جائے گا۔ نثار کھوڑو کے مطابق جلسے سے صدر آصف علی زرداری، چیئرمین بلاول بھٹو زرداری سمیت دیگر مرکزی رہنما خطاب کریں گے۔
نثار کھوڑو نے کہا کہ پیپلز پارٹی این ایف سی، صوبائی خودمختیاری اور 18ویں ترمیم کا ہر موڑ پر تحفظ کرے گی۔ انہوں نے واضح کیا کہ این ایف سی میں صوبوں کا حصہ کم نہیں کیا جا سکتا، صرف بڑھایا جا سکتا ہے۔ ایف بی آر کی ناکامی کی سزا صوبوں کو نہیں دی جا سکتی اور صوبوں کے این ایف سی حصے میں کسی قسم کی کٹوتی قبول نہیں کی جائے گی۔
انہوں نے کہا کہ اگر وفاق گلگت بلتستان یا آزاد کشمیر کو این ایف سی سے حصہ دینا چاہتا ہے تو وہ اپنے حصے سے دے۔ نثار کھوڑو نے کہا کہ سندھ میں کوئی نیا صوبہ نہیں بنے گا اور نئے صوبوں کی باتیں ملک کی وحدت کے خلاف سازش ہیں۔
اجلاس میں یہ بھی کہا گیا کہ پیپلز پارٹی نے نہروں کے معاملے کو ختم کرایا ہے اور آئندہ کبھی کینال نہیں بنیں گے۔ نثار کھوڑو نے دعویٰ کیا کہ ملک میں جمہوریت بھٹو خاندان کی قربانیوں کی مرہون منت ہے اور پیپلز پارٹی آئندہ انتخابات میں ملک بھر میں اکثریت حاصل کر کے بلاول بھٹو زرداری کو وزیراعظم بنائے گی۔
اجلاس میں مختلف قراردادیں منظور کی گئیں، جن میں شہید بینظیر بھٹو کو خراجِ عقیدت پیش کیا گیا اور اس عزم کا اعادہ کیا گیا کہ 18ویں ترمیم، این ایف سی میں صوبوں کے آئینی حصے اور صوبائی خودمختیاری کا ہر صورت دفاع کیا جائے
متعلقہ عنوانات
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026
استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت
22 November 2026
پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا
22 November 2026
پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس
22 November 2026
نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال
22 November 2026