نیویارک میں یومِ سیاہ کشمیر کی تقریب: مسئلۂ کشمیر کا حل کشمیری عوام کی امنگوں اور UN قراردادوں کے مطابق ناگزیر ہے

اقوامِ متحدہ میں پاکستان کے مستقل مشن اور نیویارک میں پاکستانی قونصل خانے کے زیرِ اہتمام “جموں و کشمیر: 79 سالہ قبضہ، مزاحمت اور استقامت” کے عنوان سے یومِ سیاہ کشمیر کی تقریب کا انعقاد کیا گیا۔تقریب سے خطاب کرتے ہوئے پاکستان کے قائم مقام مستقل مندوب سفیر عثمان جدون، قونصل جنرل عامر احمد آتوزئی اور ڈاکٹر غلام نبی فائی سمیت دیگر مقررین نے اس امر پر زور دیا

کہ جنوبی ایشیا میں پائیدار امن صرف اقوامِ متحدہ کی سلامتی کونسل کی قراردادوں اور کشمیریوں کے حقِ خودارادیت کے احترام سے ہی ممکن ہے۔

سفیر عثمان جدون نے پاکستان کی غیرمتزلزل سفارتی و اخلاقی حمایت کا اعادہ کرتے ہوئے 5 اگست 2019ء کے بعد مقبوضہ وادی میں انسانی حقوق کی سنگین خلاف ورزیوں پر تشویش کا اظہار کیا اور عالمی برادری سے بھارت کا احتساب کرنے کا مطالبہ کیا۔