LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار پرتگال کے وزیر مملکت اور وزیر خارجہ پاؤلو رینجل پاکستان پہنچ گئے لاڑکانہ میں ضمنی بلدیاتی انتخابات کیلئے 3 حلقوں میں پولنگ کا عمل شروع پاکستان کی بھارت سمیت تمام ایس سی او ممالک کو مکالمے کی دعوت پاسدارانِ انقلاب کا ڈرون حملوں میں امریکی پیٹریاٹ نظام کے 2 ریڈار تباہ کرنے کا دعویٰ

کراچی میں بھتہ خوری اور امن و امان کی بدترین صورتحال، فاروق ستار کا پریس کانفرنس میں اظہارِ تشویش

Web Desk

20 December 2025

آباد کے چیئرمین فاروق ستار نے کراچی میں بھتہ خوری اور بدترین امن و امان کی صورتحال پر پریس کانفرنس کرتے ہوئے شدید تشویش کا اظہار کیا۔ ان کے مطابق کراچی پاکستان کے خزانے میں 60-65 فیصد محاصل دیتا ہے، لیکن عام شہری کے حالات اور محلے بستیوں کی صورتحال ابتر ہے۔

فاروق ستار نے بتایا کہ چند علاقے ایسے ہیں جہاں پانی لائنیں پہنچ رہی ہیں، لیکن بھتہ خوری کی لعنت نے شہریوں کو خوف میں مبتلا کر رکھا ہے۔ بلڈرز اور ڈویلپرز کے دفاتر میں فائرنگ اور کروڑوں روپے کا بھتہ مانگا جا رہا ہے، جبکہ بیرون ملک سے کالز اور دھمکیاں بھی موصول ہو رہی ہیں۔

انہوں نے کہا کہ آباد رہنماؤں نے بھتہ خوروں اور گینگ وار کے متحرک کرداروں کے نام وزیراعلیٰ سندھ اور بلاول بھٹو تک پہنچائے ہیں، لیکن گرفتاری عمل میں نہیں آئی۔ فاروق ستار نے کہا کہ اب یہ گروہ بیرون ملک سے بھی دھڑلے سے آپریٹ کر رہا ہے، اور لوگ خوف کی وجہ سے شکایات درج نہیں کروا رہے۔

فاروق ستار نے کہا کہ قانونی تعمیرات بند ہونے کی صورت میں کچی آبادیوں اور غیر قانونی تعمیرات شروع ہو جائیں گی، جبکہ ٹیکسوں کی بھرمار کی وجہ سے تعمیراتی شعبے کو نقصان ہو رہا ہے اور ایس آئی ایف سی کے منصوبے متاثر ہو سکتے ہیں۔ انہوں نے ایس بی سی اے میں کرپشن اور کیپٹل ڈرین کا بھی ذکر کیا۔

انہوں نے کہا کہ پاکستان کو معاشی طور پر خودمختار بنانا وقت کی ضرورت ہے اور ترقی کے انجن کو فروغ دینا ضروری ہے۔ فاروق ستار نے انتظامی یونٹس اور نئے صوبوں کے قیام کو ملک کی ترقی کیلئے اہم قرار دیا اور کہا کہ زراعت اور معدنیات میں بڑی استعداد موجود ہے۔

آخر میں انہوں نے کہا کہ فیلڈ مارشل اور وزیراعظم کی کوششوں کو پھلنے کا موقع دیا جائے اور انشاء اللہ آرٹیکل 140 اے کو مجوزہ 28 ویں ترمیم میں شامل کیا جائے گا۔