آبنائے ہرمز سے امریکی افواج کے انخلا کا ایرانی دعویٰ غلط ہے، امریکی سینٹکام

امریکی سینٹرل کمانڈ (سینٹکام) نے ایرانی پاسدارانِ انقلاب کی بحریہ کے کمانڈر کی جانب سے آبنائے ہرمز سے امریکی افواج کے انخلا کے دعوے کو مکمل طور پر باطل اور غلط قرار دے دیا ہے۔ سماجی رابطے کی ویب سائٹ ایکس (X) پر جاری کردہ ایک بیان میں سینٹکام کا کہنا تھا کہ امریکی افواج آبنائے ہرمز اور اس کے گردونواح میں پہلے سے موجود اور مکمل طور پر چوکس ہیں۔ بیان میں مزید واضح کیا گیا کہ اس اہم اور ستراتیجک بین الاقوامی آبی گزرگاہ میں بحری آمدورفت امریکی افواج کے کنٹرول میں ہے اور امریکی فوج اپنے علاقائی شراکت داروں کے ساتھ مل کر تجارتی و بحری نقل و حرکت کو یقینی بنا رہی ہے۔