خطے میں کشیدگی سے عالمی بحران پیدا ہوا اور پٹرولیم مصنوعات مہنگی ہوئیں: احسن اقبال

وفاقی وزیرِ منصوبہ بندی احسن اقبال اور وزیراعظم کے مشیر رانا ثناء اللہ نے اسلام آباد میں مشترکہ پریس کانفرنس کرتے ہوئے کہا ہے کہ خطے کی کشیدہ صورتحال اور آبنائے ہرمز کی بندش کی وجہ سے عالمی سطح پر پیٹرولیم مصنوعات کی سپلائی متاثر اور قیمتیں بلند ہوئی ہیں، جس کے حل کے لیے پاکستان فعال سفارتی کردار ادا کر رہا ہے۔ احسن اقبال کا کہنا تھا کہ عالمی معاشی بحران تمام ممالک کے کنٹرول سے باہر ہے، تاہم حکومت پاکستان اپنے عوام کو ریلیف فراہم کرنے کے لیے پرعزم ہے۔ مشیرِ وزیراعظم رانا ثناء اللہ نے بتایا کہ حکومت اس وقت 1 کروڑ 27 لاکھ مستحق افراد کو فیول ریلیف فراہم کر رہی ہے، جبکہ جماعت اسلامی کے جذبے کی قدر کرتے ہوئے اس سہولت کا دائرہ کار جلد 2 کروڑ افراد تک بڑھانے پر کام کیا جا رہا ہے تاکہ مہنگائی کا بوجھ کم کیا جا سکے۔