ایاز صادق کے چیمبر میں پیپلز پارٹی اور حکومتی وفود کی ملاقات، نئے بلز پر تحفظات کا اظہار

اسپیکر قومی اسمبلی سردار ایاز صادق کے چیمبر میں حکومتی وفد اور پاکستان پیپلز پارٹی (پی پی پی) کے رہنماؤں کے درمیان اہم ملاقات ہوئی جس میں ملکی سیاسی صورتحال، پارلیمانی امور اور نئے مجوزہ بلز پر تفصیلی تبادلہ خیال کیا گیا۔ ذرائع کے مطابق پیپلز پارٹی کے وفد میں شیری رحمان، نوید قمر اور اعجاز چوہدری شامل تھے جبکہ حکومت کی نمائندگی اسپیکر سردار ایاز صادق اور ڈاکٹر طارق فضل چوہدری نے کی۔ ملاقات کے دوران پیپلز پارٹی کی جانب سے پارلیمنٹ میں پیش کیے جانے والے نئے بلز اور دیگر سیاسی امور پر اپنے تحفظات سے آگاہ کیا گیا، جس پر حکومتی وفد نے تحفظات دور کرنے اور باہمی معاملات کو افہام و تفہیم کے ذریعے حل کرنے کی یقین دہانی کروائی۔