اسلام آباد ماڈل جیل کی تعمیر مکمل، افتتاح کے بعد قیدیوں کو منتقل کیا جائے گا: محسن نقوی

وفاقی وزیرِ داخلہ محسن نقوی نے اسلام آباد ماڈل جیل کا دورہ کرنے کے بعد میڈیا سے گفتگو کرتے ہوئے اعلان کیا ہے کہ جدید ماڈل جیل کی تعمیر کا منصوبہ مکمل ہو چکا ہے اور اس کا جلد باضابطہ افتتاح کیا جائے گا۔ انہوں نے بتایا کہ حکومت سنبھالتے ہی اس منصوبے پر خصوصی توجہ دی گئی تھی اور اب افتتاح کے فوراً بعد قیدیوں کی نئی جیل میں منتقلی کا عمل شروع کر دیا جائے گا۔ بانی پی ٹی آئی کی ممکنہ منتقلی سے متعلق ایک سوال کے جواب میں وزیرِ داخلہ نے واضح کیا کہ اسلام آباد سے تعلق رکھنے والے ہر قیدی کو اس نئی جیل میں منتقل کیا جائے گا، جس کے لیے تمام درکار انتظامی مراحلی تیز رفتاری سے طے کیے جا رہے ہیں۔