حوثی ملیشیا کے حملوں کے باعث ریاض ایئرپورٹ کی 86 فیصد پروازیں منسوخ

حوثی ملیشیا کے حالیہ حملوں کے باعث سعودی عرب کے دارالحکومت ریاض کے کنگ خالد انٹرنیشنل ایئرپورٹ پر شدید سفری تعطل پیدا ہو گیا ہے، جہاں 8 سے 25 اکتوبر کے دوران طے شدہ 4,736 پروازوں میں سے 86 فیصد یعنی 4,071 پروازیں منسوخ کر دی گئی ہیں۔ برطانوی خبر ایجنسی رائٹرز کے مطابق ریاض ایئرپورٹ پر فی الوقت اندرونِ ملک فلائٹس کی سرگرمیاں جزوی طور پر بحال ہو گئی ہیں، تاہم متعدد بین الاقوامی فضائی کمپنیوں نے ریاض کے لیے اپنا فلائٹ آپریشن نومبر تک معطل کر دیا ہے۔ جبکہ امریکی فضائی کمپنی ڈیلٹا نے اپنی پروازیں اگلے سال تک مؤخر کی ہیں اور سعودی عرب کی اہم ترین عالمی سرمایہ کاری کانفرنس بھی 2027 تک ملتوی کر دی گئی ہے۔