سعودی عرب میں دو بیلسٹک میزائل حملے ناکام، ملبہ گرنے سے دو افراد زخمی

سعودی عرب کے جنوبی شہروں خمیس مشیط اور احد رفیدہ میں دو بیلسٹک میزائل حملوں کو فضائی دفاعی نظام نے کامیابی سے ناکام بنا دیا، تاہم میزائلوں کا ملبہ آبادی پر گرنے سے دو افراد زخمی ہو گئے ہیں۔ سعودی سول ڈیفنس حکام کے مطابق ناکام بنائے گئے میزائلوں کے ٹکڑے مختلف علاقوں میں گرنے کی وجہ سے تین عمارتوں اور سات گاڑیوں کو بھی مالی نقصان پہنچا ہے۔ حکام نے واقعے میں ہونے والے جانی و مالی نقصانات کی تفصیلی رپورٹ جاری کرتے ہوئے متاثرہ مقامات پر امدادی کارروائیوں اور سیکیورٹی اقدامات کی تصدیق کی ہے۔