مولانا کو اقتدار میں حصہ نہ ملنے پر شہداء کے خلاف بات نہیں کرنی چاہیے: رانا سکندر حیات

پنجاب کے وزیر تعلیم رانا سکندر حیات اور صوبائی وزیر سلمیٰ بٹ نے مشترکہ پریس کانفرنس کرتے ہوئے جے یو آئی (ف) کے سربراہ مولانا فضل الرحمان کے شہداء سے متعلق بیان کی شدید مذمت کی ہے۔ رانا سکندر حیات نے کہا کہ اقتدار میں حصہ نہ ملنے پر شہداء کی قربانیوں پر سوال اٹھانا یا ان کی بے حرمتی کرنا کسی صورت برداشت نہیں کیا جائے گا اور خیبرپختونخوا کی عوام کو تحفظ فراہم کرنے میں قربانیاں دینے والوں پر سیاست نہ کی جائے۔ اس موقع پر صوبائی وزیر سلمیٰ بٹ نے پی ٹی آئی حکومت کی 13 سالہ کارکردگی کو تنقید کا نشانہ بناتے ہوئے کہا کہ سیکیورٹی حالات کے پیشِ نظر خیبرپختونخوا میں گورنر راج مجبوری کے تحت نافذ کیا گیا، جبکہ ملک میں دہشت گردی کے خاتمے کے لیے نیا نیشنل ایکشن پلان تشکیل دینے کی ضرورت ہے۔