ایران کی علاقائی سالمیت کی خلاف ورزی کا ناقابل تصور جواب دیں گے: باقر قالیباف

ایران کی پارلیمنٹ کے اسپیکر باقر قالیباف نے خبردار کیا ہے کہ ایران کی علاقائی سالمیت کی کسی بھی خلاف ورزی کا ایسا شدید جواب دیا جائے گا جو دشمن کے لیے ناقابلِ تصور ہو گا۔ اپنے ایک بیان میں انہوں نے واضح کیا کہ ایرانی قوم امریکہ کی فوجی دھمکیوں یا کسی قسم کے دباؤ کے سامنے ہرگز نہیں جھکے گی۔ اسپیکر باقر قالیباف کا مزید کہنا تھا کہ جب تک امریکہ اپنا جارحانہ رویہ تبدیل نہیں کرتا، دھمکیاں دینا بند نہیں کرتا اور اپنے ماضی کے توڑے ہوئے وعدے پورے نہیں کرتا، اس وقت تک امریکی دعوؤں اور تجاویز پر کسی صورت اعتبار نہیں کیا جا سکتا۔