کراچی میں بچوں کی پورنوگرافک اینیمیٹڈ ویڈیوز بنانے والے بین الاقوامی گروہ کا انکشاف: این سی سی آئی اے کی تحقیقات جاری

کراچی میں نیشنل سائبر کرائم انویسٹیگیشن ایجنسی (NCCIA) نے بچوں کی پورنوگرافک اینیمیٹڈ ویڈیوز بنانے والے ایک بڑے بین الاقوامی گروہ کے خلاف تحقیقات کا دائرہ وسیع کر دیا ہے۔ حکام کے مطابق یہ گروہ پچھلے ڈھائی سال سے شہر میں سرگرم تھا اور گرافکس ڈیزائننگ، بینر میکنگ اور لوگو آرٹ کی آڑ میں مکروہ دھندا چلا رہا تھا، جہاں پڑھے لکھے نوجوانوں سے یہ کام لیا جا رہا تھا۔ ملزمان انسٹاگرام اور ٹوئٹر پر جعلی فیک آئی ڈیز کے ذریعے بین الاقوامی کلائنٹس سے رابطے میں رہتے اور ان کی ڈیمانڈ کے مطابق ویڈیوز تیار کر کے بیرونِ ملک بھیجتے تھے۔ گرفتاریوں کے بعد ملزمان کے موبائل فونز سے ہزاروں غیر اخلاقی اینیمیٹڈ ویڈیوز برآمد کی گئی ہیں جبکہ مزید تفتیش جاری ہے۔