ریاض کی طرف داغا گیا بیلسٹک میزائل تباہ کر دیا، سعودی فوجی اتحاد

سعودی فوجی اتحاد نے دعویٰ کیا ہے کہ یمن کی حوثی ملیشیا کی جانب سے سعودی دارالحکومت ریاض کی طرف داغا گیا ایک بیلسٹک میزائل فضا میں ہی تباہ کر دیا گیا ہے۔

سعودی عرب کی قیادت میں قائم اتحادی فورسز کے ترجمان کے مطابق، ملکی ایئر ڈیفنس سسٹم نے مشرقی خطے کی جانب آنے والے ایک بارود سے بھرے ڈرون کو بھی کامیابی سے مار گرایا۔ کارروائی کے بعد ریاض، نجران اور وادی الدواسر میں ممکنہ خطرے سے متعلق جاری کیا گیا الرٹ کچھ دیر بعد واپس لے لیا گیا۔

واضح رہے کہ سعودی اتحادی فورسز نے گزشتہ روز بھی نجران اور ریاض کو نشانہ بنانے کے لیے داغے گئے حوثیوں کے دو بیلسٹک میزائلوں کو فضا میں ہی ناکارہ بنا دیا تھا۔