پاکستانی انڈر 21 ہاکی ٹیم سلطان آف جوہر ہاکی کپ کے فائنل میں پہنچ گئی

پاکستان کی انڈر 21 ہاکی ٹیم نے شاندار کارکردگی کا مظاہرہ کرتے ہوئے سلطان آف جوہر ہاکی کپ کے فائنل کے لیے کوالیفائی کر لیا ہے۔

پاکستان اور جاپان کے درمیان کھیلا گیا آخری گروپ میچ 2-2 گول سے برابر رہا۔ دونوں ٹیموں کے پوائنٹس ٹیبل پر 7، 7 پوائنٹس مساوی تھے، تاہم پاکستان نے بہترین گول اوسط (Goal Difference) کی بنیاد پر فائنل میں اپنی جگہ پکی کر لی۔

سلطان آف جوہر ہاکی کپ کا معرکہ آرائی سے بھرپور فائنل میچ آج پاکستان اور میزبان ملک ملائیشیا کی جونیئر ٹیموں کے درمیان کھیلا جائے گا۔