قومی اسمبلی میں حکومت غائب، پارلیمانی تقاریر کی سنسر شپ آئین کی خلاف ورزی ہے: محمود خان اچکزئی

پختونخوا ملی عوامی پارٹی کے سربراہ محمود خان اچکزئی نے قومی اسمبلی میں اظہارِ خیال کرتے ہوئے پشاور میں جاری سیاسی صورتِ حال اور ایوان سے وزراء کی غیر حاضری پر شدید تنقید کی ہے۔ انہوں نے کہا کہ پشاور میں فتح کے جشن منائے جا رہے ہیں جبکہ سارے وفاقی وزراء ایوان سے غائب ہیں۔ محمود خان اچکزئی نے کہا کہ آئین کے مطابق پارلیمنٹ میں کی جانے والی تقاریر کا ریکارڈ عوام تک پہنچانا لازمی ہے تاکہ وہ خود حقائق کا فیصلہ کر سکیں، لیکن اس پارلیمنٹ میں آئینی تقاضوں کو نظر انداز کیا جا رہا ہے۔ انہوں نے انکشاف کیا کہ انہوں نے ایوان میں فرانس کے حالیہ احتجاج کے حوالے سے جو تقریر کی تھی، اسپیکر نے اسے سنسر کر دیا جو کہ جمہوری روایت اور آئینی اصولوں کے منافی ہے