پی ایم یوتھ پروگرام اور امریکی ادارے PRG میں تاریخی معاہدہ

وزیراعظم یوتھ پروگرام اور امریکی ادارے PRG کے مابین ایک تاریخی مفاہمتی یادداشت پر دستخط ہو گئے ہیں، جس کے تحت پاکستانی نوجوانوں کے لیے صحت، میڈیکل بلنگ اور ہیلتھ ٹیکنالوجی کے شعبوں میں عالمی سطح کے روزگار اور تربیت کے نئے مواقع پیدا ہوں گے۔ اس موقع پر چیئرمین وزیراعظم یوتھ پروگرام رانا مشہود احمد خان نے کہا کہ حکومت کا عزم نوجوانوں کو بااختیار بنانا اور انہیں جدید عالمی معیار کی تربیت فراہم کرنا ہے۔ انہوں نے واضح کیا کہ پاک امریکا صحت شراکت داری سے روزگار کے نئے در وا ہوں گے اور میڈیکل سروسز کے شعبے میں ملک کی برآمدات کو فروغ ملے گا۔ تقریب کے دوران منصور احمد کا کہنا تھا کہ اس اقدام کے ذریعے پاکستانی نوجوانوں کو عالمی روزگار کی مارکیٹ سے جوڑنے کا مشن کامیابی سے آگے بڑھایا جائے گا۔