روس، امریکہ اور یوکرین کے مذاکرات 10 نومبر کے قریب دوبارہ شروع ہونے کا امکان
Web Desk
22 October 2026
روس نے امریکہ اور یوکرین کے ساتھ سہ فریقی مذاکرات نومبر کے آغاز میں دوبارہ شروع کرنے پر آمادگی ظاہر کر دی ہے۔ روسی صدر ولادیمیر پوتن نے امریکی صدر کے خصوصی نمائندے اسٹیو وٹکوف کے ساتھ سینٹ پیٹرزبرگ میں 3 گھنٹے سے زائد جاری رہنے والی طویل ملاقات کے دوران واضح کیا کہ ماسکو 10 نومبر کے قریب مذاکرات بحال کرنے کے لیے اصولی طور پر تیار ہے۔
روسی صدارتی معاون یوری اوشاکوف اور ترجمان دمتری پیسکوف نے بتایا کہ اس ملاقات میں جیرڈ کشنر نے بھی ویڈیو لنک کے ذریعے شرکت کی۔ گفتگو کا بنیادی محور یوکرین بحران کا حل، روس و امریکہ کا اقتصادی تعاون، ڈیزل کی عالمی منڈیوں کو فراہمی اور نومبر میں چین کے شہر شینزین میں ‘ایپیک’ (APEC) اجلاس کے موقع پر امریکی صدر ڈونلڈ ٹرمپ اور چینی صدر شی جن پنگ کے ساتھ ممکنہ اعلیٰ سطحی ملاقات کے امکانات تھے۔
صدارتی معاون کے مطابق اسٹیو وٹکوف نے صدر پوتن کو اوسلو میں یوکرینی صدر زیلنسکی اور نیٹو حکام کے ساتھ ہونے والی بات چیت سے آگاہ کیا۔ پوتن نے واضح کیا کہ نومبر میں متوقع سہ فریقی مذاکرات کا بنیادی موضوع روس اور یوکرین دونوں کے لیے پائیدار سلامتی کے نظام کا قیام ہوگا۔ اس کے علاوہ 9 اکتوبر کو طے پانے والے معاہدے کے تحت امریکی پابندیوں میں چھوٹ کے بعد روس سے عالمی منڈیوں کو ڈیزل کی فراہمی پر عملی کام کے آغاز کا بھی اعادہ کیا گیا۔
متعلقہ عنوانات
مریم نواز کا بابا گرو نانک کے جنم دن کی تقریبات میں شرکت کرنیوالے سکھ یاتریوں کا خیرمقدم
22 November 2026
خیبرپختونخوا کیلئے 160 ارب روپے کا ترقیاتی پیکج، صوبے کو 10 ارب روپے جاری
22 November 2026
وزیراعظم شہبازشریف 30 نومبر سے روس کا 3 روزہ سرکاری دورہ کریں گے
22 November 2026
موسمیاتی تبدیلی ہماری تہذیب اور تاریخی ورثے کیلئے بڑا خطرہ بن چکی: مصدق ملک
22 November 2026
میرعلی سے دہشت گردوں کا چھپایا گیا اسلحہ اور بارودی مواد کا بڑا ذخیرہ برآمد
22 November 2026
مکہ معاہدے کے تحت سعودی عرب کا دفاع ترجیح ہے، حاقان فیدان
22 November 2026
مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا
22 November 2026
خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور
22 November 2026