وزیراعظم شہباز شریف نے ‘آٹو پالیسی 2026–2031’ کی منظوری دے دی

وزیراعظم محمد شہباز شریف نے ‘آٹو پالیسی 2026–2031’ کی باضابطہ منظوری دے دی ہے، جس کے تحت ملکی آٹو سیکٹر میں مقامی پیداوار، برآمدات اور بین الاقوامی مسابقت بڑھانے کے لیے جامع اقدامات تجویز کیے گئے ہیں۔ نئی پالیسی کے تحت گاڑیوں کی مجموعی برآمدات کو 6 ارب ڈالر اور آٹو پارٹس کی برآمدات کو 1.2 ارب ڈالر تک پہنچانے کا ہدف مقرر کیا گیا ہے، جبکہ اہداف پورا نہ کرنے والی کمپنیوں کا مینوفیکچرنگ سرٹیفکیٹ منسوخ کیا جا سکے گا۔ پالیسی میں الیکٹرک گاڑیوں (EVs) کے فروغ کے لیے ٹیکسز میں نمایاں رعایت، 15 ہزار ڈالر سے کم کی ای وی کاروں پر ٹیرف میں کمی، اور گاڑیوں کی فنانسنگ حد 30 لاکھ سے بڑھا کر 1 کروڑ روپے کرنے کی منظوری دی گئی ہے۔ اس کے علاوہ آٹو سیکٹر میں شفافیت کے لیے سال میں دو بار تھرڈ پارٹی آڈٹ اور پاکستان آٹوموٹیو ٹیسٹنگ انسٹیٹیوٹ کے قیام کا بھی فیصلہ کیا گیا ہے۔