مالدیپ کی وزیر خارجہ کی اسلام آباد آمد، صدر بھی آج پاکستان پہنچیں گے

مالدیپ کی وزیرِ خارجہ اریتھشام آدم کابینہ ارکان اور اعلیٰ سطح کے سرکاری وفد کے ہمراہ صدر ڈاکٹر محمد معیزو کے اہم دورۂ پاکستان کی تیاریوں کے سلسلے میں آج صبح اسلام آباد پہنچ گئی ہیں۔

اسلام آباد ایئرپورٹ پر مالدیپی وزیرِ خارجہ اور ان کے وفد کا پرتباک استقبال دفترِ خارجہ کے ترجمان، ڈائریکٹر جنرل (جنوبی ایشیا و سارک)، پاکستان میں مالدیپ کے ہائی کمشنر اور مالدیپ میں تعینات پاکستانی ہائی کمشنر نے کیا۔

ترجمان دفترِ خارجہ کے مطابق مالدیپ کے صدر ڈاکٹر محمد معیزو بھی آج بعد میں اپنے سرکاری دورے پر اسلام آباد پہنچیں گے۔ اپنے دورے کے دوران صدر معیزو پاکستانی ہم منصب آصف علی زرداری سے ملاقات کریں گے جو ان کے اعزاز میں ایوانِ صدر میں ایک پرتکلف عشائیہ دیں گے۔ اس کے علاوہ مالدیپی صدر کی وزیراعظم شہباز شریف سے ون آن ون (معاونین کے بغیر) ملاقات اور بعد ازاں وفود کی سطح پر تفصیلی مذاکرات ہوں گے، جن میں دوطرفہ تعلقات، تجارتی امور، اور باہمی دلچسپی کے شعبوں میں تعاون بڑھانے کے مواقع پر بات کی جائے گی۔ دورے کے اختتام پر دونوں ممالک کے درمیان مختلف معاہدوں اور مفاہمت کی یادداشتوں