بھارت نے پہلگام واقعے کے بعد سندھ طاس معاہدے کو دہشت گردی سے جوڑا، انڈس واٹر کمشنر
Web Desk
19 December 2025
اسلام آباد: پاکستان کے انڈس واٹر کمشنر مہر علی شاہ نے غیر ملکی سفارتکاروں کو بریفنگ دیتے ہوئے کہا ہے کہ بھارت نے پہلگام واقعے کے بعد سندھ طاس معاہدے کو بھی دہشت گردی سے جوڑنے کی کوشش کی، حالانکہ تنازعات چاہے جتنے بھی سنگین ہوں، سندھ طاس معاہدہ اپنی اصل روح کے مطابق برقرار رہنا چاہیے۔
مہر علی شاہ نے بتایا کہ بھارت نے رواں سال دریائے چناب کے پانی کے بہاؤ میں تین بار تبدیلی کی، جبکہ مئی کے مہینے میں دو مرتبہ پانی کے بہاؤ میں چھیڑ خانی کی گئی۔ ان کا کہنا تھا کہ بھارت کی جانب سے سندھ طاس معاہدے کی خلاف ورزی پر تاحال کوئی باضابطہ جواب موصول نہیں ہوا۔
انڈس واٹر کمشنر نے کہا کہ پاکستان شفافیت پر یقین رکھتا ہے اور ہر سطح پر ذمہ داری کا مظاہرہ کرتا رہا ہے، جبکہ بھارت کے پاس اپنے اقدامات کا کوئی جواز باقی نہیں رہا۔ انہوں نے واضح کیا کہ پاکستان اور بھارت کے درمیان سندھ طاس معاہدہ موجود ہے، جس میں 12 آرٹیکلز شامل ہیں۔
مہر علی شاہ کے مطابق معاہدے میں یہ بات واضح طور پر درج ہے کہ نہ پاکستان اور نہ ہی بھارت یکطرفہ طور پر سندھ طاس معاہدے کو ختم کر سکتے ہیں، اور بھارت پانی کے بہاؤ میں کسی بھی قسم کی یکطرفہ تبدیلی کا مجاز نہیں ہے۔
انہوں نے مزید کہا کہ بھارتی طرزِ عمل سے ظاہر ہوتا ہے کہ وہ سندھ طاس معاہدے کی پاسداری کا کوئی ارادہ نہیں رکھتا، جس کے باعث پاکستان نے اب یہ معاملہ اقوام متحدہ کی سطح پر اٹھانے کا فیصلہ کیا ہے۔
متعلقہ عنوانات
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026
استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت
22 November 2026
پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا
22 November 2026
پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس
22 November 2026
نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال
22 November 2026