سٹاک مارکیٹ میں اتار چڑھاؤ، ہنڈرڈ انڈیکس منفی زون میں بند ہوا

پاکستان اسٹاک ایکسچینج (PSX) میں ہفتے کے پہلے کاروباری روز اتار چڑھاؤ کے بعد منفی رجحان غالب رہا، جس کے نتیجے میں کے ایس ای 100 انڈیکس (KSE-100 Index) 450 سے زائد پوائنٹس کی کمی کے ساتھ منفی زون میں بند ہوا۔

کاروباری روز کے آغاز پر ہی اسٹاک مارکیٹ میں شدید مندی کا رجحان دیکھا گیا، جہاں ابتدائی ٹریڈنگ کے دوران 100 انڈیکس میں 500 پوائنٹس سے زائد کی بڑی کمی ریکارڈ کی گئی اور انڈیکس 1 لاکھ 65 ہزار 900 پوائنٹس کی سطح سے نیچے چلا گیا۔ اگرچہ دن بھر مارکیٹ میں خریدو فروخت کا شدید اتار چڑھاؤ جاری رہا، تاہم اختتام پر مارکیٹ بحال نہ ہو سکی اور KSE-100 انڈیکس 453 پوائنٹس کمی کے بعد 1 لاکھ 65 ہزار 966 پوائنٹس کی سطح پر بند ہوا۔

مارکیٹ ذرائع کے مطابق آج کے روز اسٹاک مارکیٹ میں مجموعی طور پر 10 کروڑ 86 لاکھ 9 ہزار 886 شیئرز کا لین دین ہوا، جن کی مالیاتی قدر 8 ارب 25 کروڑ 97 لاکھ 6 ہزار 643 روپے ریکارڈ کی گئی۔ واضح رہے کہ گزشتہ کاروباری ہفتے کے آخری روز 100 انڈیکس 1 لاکھ 66 ہزار 419 پوائنٹس کی سطح پر بند ہوا تھا۔