روس اور یوکرین کے درمیان جنگ ختم کرانے کیلئے مذاکرات کر رہا ہوں: امریکی صدر
Web Desk
19 October 2026
امریکی صدر ڈونلڈ ٹرمپ نے واضح کیا ہے کہ روس کے حوالے سے ان کی پالیسی اور فیصلے بالکل واضح ہیں، اور وہ روس اور یوکرین کے درمیان جاری ہلاکت خیز جنگ کے خاتمے کے لیے سنجیدہ مذاکرات کر رہے ہیں۔
صدر ٹرمپ نے اپنے بیان میں کہا کہ وہ ایسا کوئی اقدام نہیں کرنا چاہتے جس سے نادانی میں روس مذاکرات کی میز سے اٹھ کر چلا جائے۔ انہوں نے انکشاف کیا کہ امن مذاکرات میں نمایاں پیش رفت ہو رہی ہے، جس میں قیدیوں اور یرغمالیوں کی رہائی کے امور بھی شامل ہیں۔ انہوں نے اس بات پر اطمینان کا اظہار کیا کہ روس فی الحال ایران کی مدد کے لیے انتہائی کم اقدامات کر رہا ہے یا شاید کچھ بھی نہیں، حالانکہ وہ اس سے کہیں زیادہ کر سکتا ہے، اور وہ چاہتے ہیں کہ حالات ایسے ہی رہیں۔
تاہم، امریکی صدر نے یوکرینی صدر ولودیمیر زیلنسکی کو کڑی تنقید کا نشانہ بناتے ہوئے کہا کہ جب تک “احمق لوگ” اس میں رکاوٹ نہیں ڈالتے معاملات بہتر رہیں گے۔ انہوں نے الزام عائد کیا کہ زیلنسکی روس کے اندر ڈیزل صاف کرنے والی ریفائنریز کو نشانہ بنا رہے ہیں، جن حملوں کے باعث عالمی ڈیزل مارکیٹ اور امریکہ کو شدید معاشی نقصان اٹھانا پڑ رہا ہے۔ ٹرمپ کے مطابق اس صورتِ حال کی وجہ سے امریکی کسان، مویشی پالنے والے اور ہر شعبے کا کاروبار بھاری نقصان کا شکار ہے، جبکہ روس اس کے باوجود کم قیمت پر دنیا کو لاکھوں بیرل ڈیزل فراہم کر رہا ہے اور یوکرینی صدر کو اس کی کوئی پروا نہیں۔
صدر ٹرمپ نے مزید کہا کہ سچ تو یہ ہے کہ یورپ کی جانب سے دی جانے والی خطیر رقوم اور سابق صدر جو بائیڈن کے دور میں فراہم کردہ فوجی و مالی امداد کے باوجود یوکرین کے رہنما اس جنگ کا خاتمہ نہیں چاہتے۔ انہوں نے دعویٰ کیا کہ یوکرین دو سال قبل اس کے مقابلے میں کہیں بہتر امن معاہدہ کر سکتا تھا، مگر اب اس کا ملک تباہ حال ہو چکا ہے، وسیع علاقے ہاتھ سے نکل چکے ہیں، بحری حدود محدود ہو چکی ہیں اور اس کی بڑی تعداد میں مرد آبادی ہلاک یا شدید زخمی ہو چکی ہے۔
متعلقہ عنوانات
بلٹ پروف اور لگژری گاڑیوں کی وائرل ویڈیو کا معاملہ، مزید تین افراد گرفتار
22 November 2026
بلوچستان کے ضلع خضدار اور گردونواح میں زلزلے کے جھٹکے، شدت 3.6 ریکارڈ
22 November 2026
پاک چین دوستی کا تاریخ ساز سنگِ میل ،شین زو-24کی لانچنگ کی مشق کامیابی سے مکمل
22 November 2026
پاکستان میں جوہری سلامتی پر عالمی اجلاس آج سے شروع ہوگا
22 November 2026
مریم نواز کا بابا گرو نانک کے جنم دن کی تقریبات میں شرکت کرنیوالے سکھ یاتریوں کا خیرمقدم
22 November 2026
خیبرپختونخوا کیلئے 160 ارب روپے کا ترقیاتی پیکج، صوبے کو 10 ارب روپے جاری
22 November 2026
وزیراعظم شہبازشریف 30 نومبر سے روس کا 3 روزہ سرکاری دورہ کریں گے
22 November 2026
موسمیاتی تبدیلی ہماری تہذیب اور تاریخی ورثے کیلئے بڑا خطرہ بن چکی: مصدق ملک
22 November 2026