ایمان مزاری اور ہادی علی چٹھہ کی اپیلیں پیر کو سماعت کیلئے مقرر

اسلام آباد ہائیکورٹ نے روڈ بیرئیر ہٹانے کے مقدمے میں وکیل ایمان مزاری اور ان کے شوہر ہادی علی چھٹہ کی اپیلیں پیر کو سماعت کے لیے مقرر کر دی ہیں۔ جسٹس انعام امین منہاس اور جسٹس شارخ ارجمند پر مشتمل دو رکنی بینچ ان درخواستوں پر سماعت کرے گا۔ ایمان مزاری اور ہادی علی چھٹہ نے انسدادِ دہشت گردی عدالت (ATC) کی جانب سے ان کے خلاف فردِ جرم عائد کرنے اور مقدمے سے دہشت گردی کی دفعات ختم کرنے کی درخواستیں مسترد کیے جانے کے فیصلے کو اسلام آباد ہائیکورٹ میں چیلنج کر رکھا ہے۔ دونوں وکلا نے مؤقف اختیار کیا ہے کہ ان پر قائم کیے گئے مقدمات غیر قانونی ہیں اور ان میں سے دہشت گردی کی دفعات کو ختم کیا جائے۔