فیول پرائس ایڈجسٹمنٹ: بجلی 2 روپے 56 پیسے فی یونٹ مہنگی کرنے کی تیاری

سینٹرل پاور پرچیزنگ ایجنسی (CPPA) نے ستمبر کی ماہانہ فیول پرائس ایڈجسٹمنٹ (FPA) کے تحت بجلی 2 روپے 56 پیسے فی یونٹ مہنگی کرنے کی باضابطہ درخواست نیشنل الیکٹرک پاور ریگولیٹری اتھارٹی (NEPRA) کو دے دی ہے۔ نیپرا کے مطابق اس درخواست پر عوامی سماعت 29 اکتوبر کو ہوگی۔ سی پی پی اے کی جانب سے جمع کرائے گئے اعداد و شمار کے مطابق ستمبر میں بجلی کی فی یونٹ اوسط فیول لاگت 10 روپے 2 پیسے رہی، جبکہ ماہ کے دوران بجلی کی پیداوار پر مجموعی فیول لاگت 127 ارب 87 کروڑ روپے ریکارڈ کی گئی، جس میں درآمدی و مقامی کوئلے، ایل این جی، گیس اور فرنس آئل کے اخراجات شامل ہیں۔