امریکی میڈیکیئر فنڈز میں 1 کروڑ 80 لاکھ ڈالر کے فراڈ میں مطلوب تین ملزمان کے پاکستان میں ہونے کا انکشاف

امریکی محکمہ صحت کے انسپکٹر جنرل کے دفتر (HHS OIG) نے #FugitiveFriday مہم کے تحت میڈیکیئر (Medicare) فراڈ میں ملوث تین مفرور ملزمان کی تصاویر اور تفصیلات جاری کرتے ہوئے ان کے پاکستان میں چھپے ہونے کا خدشہ ظاہر کیا ہے۔

امریکی حکام کے مطابق مطلوب ملزمان میں محمد عظیم (عمر 61 سال)، شفیع اللہ حنیف (عمر 56 سال) اور انوبال گائین (عمر 60 سال) شامل ہیں۔ ان افراد پر الزام ہے کہ انہوں نے میڈیکیئر کے مستفید ہونے والے شہریوں کو رقوم کا لالچ دے کر ایسے فارمز پر دستخط کروائے جن پر کبھی کوئی طبی علاج فراہم ہی نہیں کیا گیا تھا، اور اس جعل ساز طریقے سے انہوں نے امریکی حکومت کے میڈیکیئر پروگرام کو 1 کروڑ 80 لاکھ ڈالر (18 ملین ڈالر) سے زائد کے جھوٹے اور جعلی دعوے پیش کر کے اربوں روپے کا چونگا لگایا۔

امریکی قانون نافذ کرنے والے اداروں نے ان افراد کی گرفتاری کے لیے عوام سے مدد کی اپیل کی ہے اور خدشہ ظاہر کیا ہے کہ یہ تمام ملزمان فرار ہو کر اس وقت پاکستان میں مقیم ہو سکتے ہیں۔