افغانستان میں لڑکیوں کی ثانوی تعلیم پر پابندی کے پانچ سال مکمل

افغانستان میں طالبان حکومت کے اقتدار میں آنے کے بعد لڑکیوں کی ثانوی تعلیم پر عائد پابندی کو پانچ سال مکمل ہو چکے ہیں اور چھٹی جماعت سے آگے طالبات کی تعلیم کا سلسلہ تاحال معطل ہے۔ اس دوران اقوام متحدہ کے افغانستان مشن (یوناما) نے یکم جولائی سے 30 ستمبر 2026 تک کی سہ ماہی انسانی حقوق کی رپورٹ جاری کی ہے، جس کے مطابق گزشتہ تین ماہ کے دوران حجاب کے نام پر خواتین کی گرفتاریوں کے 50 سے زائد واقعات رپورٹ ہوئے جن میں ایک 13 سالہ بچی بھی شامل ہے۔ رپورٹ میں بتایا گیا ہے کہ اس دوران 28 افراد کو کوڑوں کی سزائیں دی گئیں جبکہ سابق حکومتی و سیکیورٹی اہلکاروں کی گرفتاریاں اور ہلاکتیں بھی جاری ہیں۔ یوناما کے مطابق طالبان ترجمان نے دفاتر میں خواتین کے کام کرنے کے حق سے صاف انکار کر دیا ہے، جبکہ اقوام متحدہ کے دفاتر میں بھی افغان خواتین کے داخلے پر پابندی بدستور برقرار ہے۔