ای سی سی اجلاس: لاپتا افراد کے 945 خاندانوں کیلئے 4 ارب 77 کروڑ روپے کی منظوری
Web Desk
18 December 2025
وفاقی وزیر خزانہ محمد اورنگزیب کی زیر صدارت کابینہ کی اقتصادی رابطہ کمیٹی (ای سی سی) کا اجلاس منعقد ہوا، جس میں لاپتا افراد کے 945 خاندانوں کو 4 ارب 77 کروڑ روپے کی ادائیگی سمیت مختلف محکموں کے لیے فنڈز کی منظوری دے دی گئی۔
وزارت خزانہ کی جانب سے جاری اعلامیے کے مطابق اجلاس میں مختلف شعبوں کے لیے مالی منظوریوں کے ساتھ ساتھ مہنگائی کی صورتحال اور قیمتوں میں استحکام کا بھی تفصیلی جائزہ لیا گیا۔
اجلاس کے دوران چیف اکانومسٹ پلاننگ، ڈیولپمنٹ اینڈ اسپیشل انیشی ایٹوز ڈویژن ڈاکٹر امتیاز احمد نے معاشی صورتحال پر بریفنگ دیتے ہوئے بتایا کہ رواں مالی سال کے دوران مجموعی مہنگائی میں نمایاں بہتری آئی ہے، جو مؤثر معاشی نظم و نسق اور قیمتوں میں استحکام کی عکاسی کرتی ہے۔
بریفنگ میں بتایا گیا کہ مالی سال کے ابتدائی مہینوں میں مہنگائی کی شرح کم رہی، جولائی میں 4.1 فیصد اور اگست میں 3.0 فیصد رہی، تاہم سیلاب کے باعث عارضی سپلائی رکاوٹوں کے نتیجے میں ستمبر اور اکتوبر میں دباؤ آیا، جس کے بعد نومبر میں مہنگائی کم ہو کر 6.1 فیصد پر آ گئی۔
ای سی سی اجلاس میں ڈسکوز میں 200 ارب روپے کی سرمایہ کاری، توانائی کے ایس ڈی جیز منصوبوں کیلئے 6 ارب 35 کروڑ روپے، دانش اسکولوں اور نوجوانوں کی اسکل ڈیولپمنٹ کیلئے 5 ارب 76 کروڑ روپے کی منظوری دی گئی۔
اس کے علاوہ سندھ اور خیبر پختونخوا میں ترقیاتی منصوبوں کیلئے 5 ارب 19 کروڑ روپے اور پاکستان ٹورازم ڈیولپمنٹ کارپوریشن کیلئے 17 کروڑ 4 لاکھ روپے کی منظوری بھی دی گئی۔
اعلامیے کے مطابق فرنٹیئر کور اور رینجرز کے ہیلی کاپٹروں کی مرمت کیلئے فنڈز، اراکین پارلیمنٹ کیلئے اضافی رہائشی سوئٹس کی تعمیر اور کنگ حمد نرسنگ یونیورسٹی کیلئے 25 کروڑ روپے کی منظوری بھی اجلاس میں دی گئی۔
متعلقہ عنوانات
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026
استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت
22 November 2026
پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا
22 November 2026
پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس
22 November 2026
نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال
22 November 2026