امریکی وزیر خزانہ سکاٹ بیسنٹ کا ایران پر نئی پابندیوں کا اعلان

امریکی وزیرِ خزانہ اسکاٹ بیسنٹ (Scott Bessent) نے ایران کے خلاف اقتصادی کارروائیاں مزید سخت کرتے ہوئے ‘آپریشن اکنامک آؤٹ کاسٹ’ کے تحت نئی مالیاتی پابندیوں کا اعلان کر دیا ہے۔

سماجی رابطے کی ویب سائٹ ایکس (X) پر جاری اپنے ایک بیان میں سکاٹ بیسنٹ نے بتایا کہ ان نئی پابندیوں کا ہدف ایران کے ساتھ مالی روابط رکھنے والا ایک عراقی بینک، نیز مشرقِ وسطیٰ اور ایشیا میں پھیلے متعدد مالیاتی نیٹ ورکس ہیں۔ انہوں نے زور دے کر کہا کہ واشنگٹن ایرانی معیشت کے گرد گھیرا مسلسل تنگ کر رہا ہے اور تہران پر مالیاتی و معاشی دباؤ کی پالیسی بلا تعطل جاری رکھی جائے گی۔

امریکی وزیرِ خزانہ نے مزید کہا کہ اس اقدام کا بنیادی مقصد ایرانی حکومت اور اس کی مسلح افواج کو فوجی سرگرمیوں کی مالی اعانت سے محروم کرنا ہے۔ انہوں نے انتباہ دیا کہ ایران کے نام نہاد اتحادی اور حامی بھی تہران کو متوقع معاشی تباہی سے بچانے میں ناکام رہیں گے