کے پی کے: تمام سرکاری سکولوں کی عمارتوں کا معائنہ کرنے کا فیصلہ، ڈیڈ لائن مقرر

خیبرپختونخوا (KP) حکومت نے پشاور کے علاقے دیر کالونی کے الخیر ایجوکیشن سسٹم میں کلاس روم کی چھت گرنے کے الم ناک حادثے کے بعد صوبے بھر کے تمام سرکاری سکولوں کا ایمرجنسی سیفٹی آڈٹ کرانے کا بڑا فیصلہ کیا ہے۔

محکمہ ایلیمنٹری و سیکنڈری ایجوکیشن خیبرپختونخوا نے محکمہ مواصلات و تعمیرات (C&W) کو مراسلہ جاری کیا ہے جس میں تمام اضلاع کے لیے ماہر تکنیکی ٹیمیں قائم کرنے کی ہدایت کی گئی ہے۔ تکنیکی ٹیمیں ضلعی تعلیمی افسران کے ساتھ مل کر سکولوں کی چھتوں، دیواروں، بنیادوں اور دیگر تعمیراتی ڈھانچوں کا گہرا جائزہ لیں گی اور تمام عمارتوں کو ان کی حالت کے مطابق 3 الگ زمروں (Categories) میں تقسیم کریں گی۔

حکومتی احکامات کے مطابق جن عمارتوں سے طلبہ یا اساتذہ کی جان کو فوری خطرہ لاحق ہوا، ان کے معائنے کے بعد سروے مکمل ہونے کا انتظار کیے بغیر عمارت کو فوری سیل یا بند کر دیا جائے گا۔ محکمہ تعمیرات و مواصلات کو پابند کیا گیا ہے کہ وہ 26 اکتوبر 2026ء کی دوپہر 12 بجے تک تمام اضلاع کے سکولوں کا معائنہ مکمل کر کے “بلڈنگ سیفٹی کلیئرنس سرٹیفکیٹ / NOC” اور جامع رپورٹ جمع کرائے