ٹرمپ کا نڈال حسن کی سزائے موت براہِ راست نشر نہ کرنے کا اعلان

امریکی صدر ڈونلڈ ٹرمپ نے اعلان کیا ہے کہ ٹیکساس کے فورٹ ہُڈ فوجی اڈے پر فائرنگ کے مجرم نڈال حسن کی سزائے موت کو براہِ راست (لائیو) نشر نہیں کیا جائے گا، تاہم مجرم کو مقررہ شیڈول کے مطابق فائرنگ اسکواڈ کے ذریعے سزائے موت دی جائے گی۔ صدر ٹرمپ نے کہا کہ لائیو نشریات کے ذریعے دنیا کو دہشت گردوں کے خلاف امریکی طریقہ کار کا مضبوط پیغام دیا جا سکتا تھا، لیکن عوام کی اکثریت اسے آن ایئر نہیں دیکھنا چاہتی، البتہ متاثرین کے لواحقین کو موقع پر موجود رہنے کی اجازت ہو گی۔ واضح رہے کہ امریکی فوج کے سابق ڈاکٹر اور نفسیاتی معالج نڈال حسن نے 2009ء میں فائرنگ کر کے 13 افراد کو ہلاک اور 32 کو زخمی کر دیا تھا، جس پر اسے 2013ء میں ملٹری کورٹ نے سزائے موت سنائی تھی۔