امریکا کو مذموم مقاصد میں کامیاب نہیں ہونے دیں گے: ایرانی صدر

ایرانی صدر مسعود پزشکیان نے کہا ہے کہ ایران امریکہ کو اپنے مذموم مقاصد میں ہرگز کامیاب نہیں ہونے دے گا، اور دشمن کی جانب سے ایرانی عوام میں بے چینی اور احتجاج بھڑکانے کی تمام کوششوں کو قومی اتحاد سے ناکام بنایا جائے گا۔ انہوں نے صنعت کاروں، کاروباری شخصیات اور عوام کے باہمی تعاون سے معاشی چیلنجز پر قابو پانے کے عزم کا اظہار کیا۔ مسعود پزشکیان نے بتایا کہ دشمن نسلی و صنفی اختلافات اور بجلی و پانی کے بحران جیسے داخلی مسائل کا فائدہ اٹھا کر ملک میں انتشار پھیلانا چاہتا ہے، تاہم ایرانی عوام اور مسلح افواج نے ہر محاذ پر ان عزائم کو ڈٹ کر ناکام بنایا ہے۔ انہوں نے حکام کو ہدایت کی کہ عوام کی مشکلات دور کرنے کے لیے فوری اور مشترکہ اقدامات کیے جائیں۔