احد چیمہ کی ایم ڈی آپریشنز ورلڈ بینک سے ملاقات، پاکستان کے ترقیاتی اہداف پر اہم تبادلہ خیال

وفاقی وزیر برائے اقتصادی امور اور ورلڈ بینک گروپ میں پاکستان کے گورنر احد چیمہ نے بنکاک میں منعقدہ 2026 کے سالانہ اجلاس کے موقع پر ورلڈ بینک کی منیجنگ ڈائریکٹر آپریشنز انا بیئرڈے سے اہم ملاقات کی ہے۔ ملاقات میں پاکستان کے کنٹری پارٹنرشپ فریم ورک (سی پی ایف 2026-2035) پر عمل درآمد تیز کرنے، ڈیجیٹل مانیٹرنگ سسٹم کے نفاذ اور رعایتی مالی وسائل کے ذریعے قرضوں کے پائیدار انتظام پر اتفاق کیا گیا۔ اس موقع پر تقریباً 1,800 کلومیٹر طویل ایم ایل ون ریلوے لائن اپ گریڈیشن اور اس سے منسلک اقتصادی راہداری کے لیے ورلڈ بینک کی مزید معاونت سمیت معدنیات کے شعبے کی ترقی کے ‘منرلز کمپیکٹ’ پر بھی تفصیلی گفتگو ہوئی۔ ورلڈ بینک کی ایم ڈی نے پاکستان کے ترجیحی شعبوں اور معاشی ترقی میں مکمل تعاون کی یقین دہانی کرائی۔